Ráðuneytin hafa gert tímabundinn samning við Bjarkarhlíð og í kjölfarið var viðbraðgsteymi vegna mansalsmála sett á fót. En hlutverk viðbragðsteymis er að veita þolendum mansals stuðning og ráðgjöf annars vegar og að samhæfa aðgerðir viðeigandi þjónustuveitenda hins vegar. Þegar mansalsmál koma upp kallar Bjarkarhlíð saman þá aðila sem þurfa að koma að málum hverju sinni, til dæmis lögregla, félagsþjónusta, Vinnumálastofnun eða Útlendingastofnun. Mikil áhersla er lögð á góða samvinnu þeirra sem að málum koma svo hægt sé að tryggja að þolandi fái þá þjónustu sem hann/hún á rétt á og þarf.